مساء الخير
.
موضوع تدوينتي اليوم
.
يتكلم عن شخصيه
.
لها مكانه خاصه في قلبي
.
مع اني احيانا اكون فاشله فالتعبير
.
يعني ما اقدر اعبر للناس اللي احبهم عن شعوري تجاههم بشكل مباشر
.
وهالشي يخلي ناس وايد تتحرى ان ما لها قيمه كبيره عندي
.
بس الواقع يكون مخالف لهالشي
.
ما بطول عليكم
.
ابو نبيل اللي ذكرت اسمه في عنوان التدوينه
.
هو جدي الحبيب
.
جدي الحبيب هذا من وعيت على الدنيا
.
وهو ماخذ مساحه كبيره في حياتي
.
كل امنياتي العصيه على التحقيق
.
كان هو اللي يحققها لي
.
كنت يوم ابا اروح مكان واعرف ان ادارة المنزل محال توافق
.
اروح اوسوس في اذن جدي الحبيب
.
ويوم ابا اشتري شي او ازور حد
.
نفس الشي مالي الا جدي الحبيب
.
طبعا كانت جدتي هي هيئة المعارضه فالبيت
.
ولااا الناهيه بعد..
.
كانت تضع امامنا العراقيل
.
لهالسبب كنا ننتهز فرصة غيابها
.
ونحقق مآربنا العصيه عن التحقيق في وجودها
.
كانت ايام حلوه وااايد
.
كانت امنيتي ايامها اني اروح اشتري اغراض البيت مع جدي
.
طبعا بدون وجود جدتي
.
عشان اقدر اخذ راحتي واشتري اللي ابيه
.
لان جدي كان من النوع اللي ما يقدر يقولي لا ابد
.
كل طلباتي مجابه حتى ولو خذت كل اللي فالسووق
.
كان وايد كريم وكنا نحن نستغل كرمه اسوأ استغلال
.
وجدتي لانها تدري بهالشي كانت دوم تقف كالسد المنيع
.
لووووووووووووووووووووول
.
اتذكر مره كنا سايرين دبي انا وبنات خالتي مع جدي
.
وكانت سيارته هاذيك الايام ما اخبركم
.
سياره اخر موديل..طبعا العكس صحيح :)
.
وفجأه وبينما انا والبنات مندمجين في حديث شيق
.
سمعنا صوت طططططططططططططططق
.
وإذ نفاجأ بان اطار السياره الخلفي انفجر
.
والى اقرب شيشة بتروووووووووووول
.
ونص ساعه تحت الشمس بانتظار استبدال الاطار
.
والله كااانت ايام
.
ووصلنا البيت وكل وحده فينا مستويه مثل الديايه المشويه
.
كان مشوار لا ينسى
.
واحلى شي ان جدي الحبيب كان يرفض انه يمتلك اي سياره جديده
.
كان مووووووووته وعشقه السيارات القديمه
.
وانا وجدتي كنا نعاني الامرين من هالشي
.
نحاول فيه بشتى الطرق انه يقتنع ويواكب متغيرات العصر
.
وهو رافض ومتشبث بقوه بسيارته القديمه
.
واحنا كل ما نركب معاه نقعد نذم و نعيب بالسياره
.
لحد ما السياره توقف فالشارع او تخترب
.
وهو ساعتها يعصب علينا ويقول لنا
.
انزلوا من سيارتي زين جيه زعلتوها
.
ههههههههههههههههههههههههههه
.
واحنا نسكت وننطم ونقعد نراضي السياره عشان ترد تشتغل ويعدي اليوم على خير
.
والله صراحه كانت ايام لا تنسى
.
وينك يا جدي الحبيب :)
.
ملحوظه:جدي الله يطول بعمره مستقر بدوله ثانيه حاليا وان شا الله برفق لكم صورته في احد تدويناتي القادمه بس ادعوله بالصحه وطولة العمر :)
هامش: ابا= أريد.....تتحرى= تعتقد
