11‏/07‏/2009

عني وعن اشياء اخرى..!

تحديث
اثناء تجوالي بين المدونات اكتشفت ان مدونة قطة الصراء محظوره عندنا..يعني فالامارات
يا ترى انتوا بعض محظوره عندكم؟
مقدمه

طبعا تعودتوا للاسف على غيابي المتكرر
.
لهالسبب ما يحتاج اني ابرر هالغياب
.
انا مطنشه المدونه وايد هالفتره
.
ومقصره وايد بحقكم
.
اسمحولي ع هالتقصير :)

فلم رعب!!




الاسبوع الماضي قضيت مع بنات العايله سهره جميله اخر الليل
.
ع فلم رعب من اللي قلوبكم تحبها..كل شوي وحده منهم تنقز -تقفز-
.
خخخخخخخخخخ
.
والله وناسه -سعاده- جو افلام الرعب..ترقب واثاره وخووووووف
.
وبووووووووووووووووو
.
يبالنا كل فتره نطالع فيلم رعب عشان نتم نضحك على بعض
.
اكتشفت ان افلام الرعب ما تاثر وايد فيني
.
يمكن لاني تعودت عليها خلاص
.
قلبي قوي انا لووووووووووووووووووول

التغيرات


من مده بسيطه

.

لا تتجاوز الكم يوم

.

قررت الله يسلمكم

.

اني ارضخ للضغوط الخارجيه

.

وااتوكل ع الله..واستسلم للواقع الاليم

.

وادخل الـ .....................؟

.

.

المطبخ!!

.

انا ما احب اطبخ ما اعرف ليش

.

عندي مشكله وايد مع الطبيخ

.

احس اني ما بطبخ الا بشروط

.

اولها ان المكان يكون على كيفي

.

يعني مرتب وحلو ويفتح النفس

.

واحس يوم ادخله اني ارتاح فيه!

.

اعرف اني اتشرط وايد بس هذا طبعي شو اسوي!!

.

المهم اني ضغطت على نفسي واتخذت القرار
.

وبعد سنوات من الاضراب عن دخول المطبخ!

.

اخيرا طبخت..(تصفيق حار بليز!)

.

ومن كم يوم الحين وانا مستمره على هالحال

.

بس نسأل الله السلامه!

.

اللي يحب يجرب اكلي يتفضل عندنا فالبيت

.

بس يا ليت يحضر معاه إينو..او اي دواء لعلاج عسر الهضم
.

تحسبا للطوارئ فقط لا غيبر لوووووووووووول
.
بس تعرفون بيني وبينكم طلعت تجربة الطبخ تجربه حلوه
.
يعني استانست فالموضوع :)



ثقافه



انتيهت من مده قريبه من كتاب
.
جودت بيك وابناؤه
.
للكاتب التركي اورهان باموق
.
الكتاب طبعا جدا جميل
.
وهو روايه تتناول حياة اسره تركيه
.
وتطوراتها لمده 3 اجيال
.
القصه رائعه وانصح بقرائتها
.
بس يبيلها ناس بالها طويل
.
لان عدد صفحاتها يتجاوز الـ700 بقليل
.
القصه خذت مني وقت طويل
.
حوالي 3 شهور
.
يمكن لاني ما كنت اقراها بشكل مستمر
.
بس الحمدلله اخيرا وبعد جهد جهيد خلصت منها :)


خاتمه
.
.
يلا الحين اترككم لان الطعام يناديني
.
بسير اتعشى..وللفضولين..اللي انا وحده منهم
.
يمكن تحبون تاخذون فكره عن العشا
.
لهالسبب بقولكم ان العشا نقانق وبطاطا :)
.
واللي يبى يتفضل معانا ترى الدعوه مفتوحه لكل الدول العربيه
.
ودمتم سااااااااااالمين :)