نحاااااااااااسه

مساء الخير

.

كيفكن

.

شو عاملين؟

.

طبعا ابا اقولكم اول شي

.

انا بسرد عليكم كم كبير

.

من الاحداث المنحوسه
.

فعلى كل من يجد في نفسه الخوف

.

من انتقال عدوى النحاسه له
.

عدم اكمال قراءة هالتدوينه من الحين

.

بسم الله نبدأ

.

هذا الله يسلمكم

.

نبذه عن الاحداث اللي صارتلي

.

بهالكم يوووووووووووووووووم :)

.

نبدأ السرد من حوالي اسبوعين

.

تليفوني الـ N 95 احترقت شاشته

.

وهاي طبعا ثالث او رابع مره تنحرق فيها الشاشه

.

كأن التليفون يقولي خلاص بيعيني مليت

.

المهم طبعا بدلت الشاشه

.

وللاسف ما كملت الشاشه اليديده اسبوعين

.

الا وردت انحرقت مره ثانيه

.

طبعا انا تجاهلت الموضوع

.

وقلت هالمره لا ببدل شاشات ولا شي

.

لاني وصلت لمرحلة الملل من هالموضوع

.

المهم نن حوالي 5 ايام
.

كنت سايره كارفور مع امي نتغرض للبيت

.

وطبعا كنت فهالمده يالسه استعمل تليفوني الثاني

.

شوي...والا القى نظره ع الموبايل..الثاني طبعا

.

وافاجأ بان...فجأه وبدون اي مقدمات

.

شاشته انحرقت بعد!!!!!!!!!!

.

طبعا انصدمت صدمه كبيييييييره

.
وما علقت ع الموضوع...:(

.

وقلت يلا ما عليه فدوه ترى الا تليفون

.

واول امس الوالده كان عندها موعد

.

فوديتها العياده وعقب ما خلصنا

.

واحنا رادين البيت ..لخبطت فالطريق

.

المهم مادري وين دشيت (دخلت)

.

الا لقيت عمري فشااارع غريب

.

طبعا انا كنت مسرعه

.

وشوي واشوف الشارع خلص وجدامي رمله(تراب)

.

وانا طبعا معاي سياره صالون مب فور ويل

.

وللاسف بعد السياره مب سيارتي!!

.

المهم خفيت سرعة السياره بس ما لحقت اوقف

.

ودشيت بالرمله..وطبعا..غرزت!!

.

طبعا كالعاده...اتصالات..مساعدات

.

طلعنا السياره الى بره الامان

.

وانطلقنا عائدين الى البيت !!

.

طبعا في نفس اليوم فالليل

.

الانترنت انقطع

.

تعرفون عاد اول الشهر

.

وشركة الاتصالات الله يطول بعمارهم
.

ما عندهم يمه ارحميني
.

تاريخ 3 يقطعوووووووووون

.

المهم رحت الجمعيه عشان ادفع عن النت
.

وطبعا اول الشهر..وزحمه وااااااااااااايد
.

و احنا بالعاده يوم ما نلقى باركن

.

نسكر على بعض..خاصه لو كان شغلنا فالجمعيه بيخلص بسرعه

.

المهم وقفت سيارتي ورى وحده من هالسيايير

.

مع العلم ان كان في 4 سيايير عدالي واقفين بنفس الطريقه

.

يعني مسكرين على سيايير الناس

.

المهم دفعت عن النت وطلعت وما خذت اكثر من 10 دقايق

.

وانا سايره صوب سيارتي

.

الا اسمع حد يقولي هاي سيارتج

.

قتله هيه نعم سيارة ليش في شي

.

قالي اسمحيلي بس انا بلغت عن السياره

.

ايوه ليش بلغت عن السياره؟

.

والله انتي مسكره ع سيارتي من ربع ساعه..!

.

صدمني!! اي ربع ساعه..؟

.

انا من وصلت ما كملت عشر دقايق داخل

.

طبعا قتله ما عليه يزاك الله خير

.

وانجلعت البيت !!!!!!!!!!

.

هالكلام كله كان يوم الاربع

.

والحمدلله بفضل الله ورحمته يوم الخميس عدا على خير

.

الحين بعود معاكم بالذاكره الى يوم الجمعه اللي فات

.

هاليوم انا كنت سايره فيه دبي مع الوالده

.

ويوم ردينا البيت فالليل اكتشفت ان بريك سيارتي مخرف

.

يعني سكرت السياره وطلعت المفتاح

.

وبعده ليت البريك والع لين الحين..

.

طبعا قالولي هاي مشكله فالكمبيوتر

.

وللاسف محد تفيج يصلح سيارتي الا امس فالليل

.

اللي هو الخميس يعني
.

بعد ما انقضى اسبوع كامل

.

وسيارتي الحبيبه واقفه مثل اليتيمه فالحوش:(
.

طبعا بعد ما انتهت الوعكه الصحيه اللي كانت تمر فيها

.

وتم بحمد الله شفائها على يد خبير مختص

.

التم شملي معاها اخيرا بعد طول فراق

.

وكان اول لقاء حميم بيني وبينها اليوم الظهر

.

وكالعاده مثل كل جمعه سرنا صوب الشمال

.

ويوم وصلنا صوب الشارجه وعلى وجه الدقه

.

وانا وطالعه من شارع الملك فيصل الحبيب

.

افاجأ بصوت غريب..صوت ارتطاام!!

.

والتفت للخلف بكل براءه..القى نفسي مدعومه!!

.

واللي دعمني باص ابيض صغير
.

والادهى والامر عاد ان الباص هذا ماشي بدون ليتات

.

يعني ما ادري هل هو خايف ع البطاريه

.

او يعتقد ان الشمس بعدها ما غابت لين الحين

.

مع العلم طبعا ان هالكلام صار الساعه 7 فالليل

.

طبعا انا نزلت من سيارتي وانا مذهوله

.

والاخ سائق السياره طلع هندي

.

نزل من مركبته يرافقه وفد من الهنود

.

انا طبعا قعدت اعاين جروح سيارتي العزيزه.
.

واشوف االخدوش اللي تسببها الحادث

.

وعقب سالت اخينا الهندي..قتله وين ليتاتك؟

.

يعني وين اضواء السياره ليش مب مشتغله

.

طبعا اكتشفت انه يتحراني اقوله

.

كيف الحال عساك بخير

.

طلع مب فاهم شي من السالفه

.

المهم من حسن حظي ان كان فيه شرطي مرور
.

واقف في نفس الشع اللي اندعمت فيه

.

كلمته..قالي تعالوا وراي

.

رحنا وراه..كتبلنا ورقة المخالفه

.

وعقب رديييييييييييييييييييت البيت

.

والحمدله وصلنا الى قواعدنا سالمين

.

وهالكلام طبعا حوالي الساعه الحاديه عشر

.

من مساء اليوم الجمعه
.

طبعا اللي يتوقع فيكم ان السالفه انتهت
.

يؤسفني اقوله ان توقعاته بغير محلها

.

لاني يوم وصلت البيت

.

تفاجأت بأن...............................!

.
ليت البريك رد ولع رغم اني سكرت السياره!!

.
يعني رردت لهاا نفس المشكله الاولي

.
انا طبعا ساعتها حسيت

.
اني ابا اعق السياره هاي فالبحر
.
عشان افتك

.
الحين ابا اسالكم سؤال

.
يا ترى

.
العيب في السياره

.
والا فيني انا؟

.
يقولون لي يمكن عين

.
ويمكن حد داعي علي
.
انتوا شو توقعاتكم لي

.
وشو اقتراحاتكم يا ترى؟
.

انا اقترح اولع بنفسي وفالسياره

.

عشان نكون ضربنا عصفورين بحجر واحد

.

مع ان فلوس التأمين بتروح علينا ساعتها

.
بس يلا عوضنا ع الله
.
لوووووووووووووووووووول