عدت بعد وعكه(تحديث)

تحديث : مدونة الاخ سالم فيها استفتاء

ارجو انكم تشاركون فيه على هذا الرابط

http://salemuae.wordpress.com/

(شو رايكم بالعنوان مب فنتك؟عجبتني وايد وعكه هاي لوووووووول)

اعرف اني تأخرت عليكم شوي بهالتدوينه
.
بس اعذروني لاني مريـ *-*ــضه مرض معدي :(
.
هو مش معدي معدي يعني لا يروح بالكم بعيد
.
بس انا عندي انفلونزا
.
وترى مش انفلونزا خنازير يعني لا تفهمون غلط

.

هي انفلونزا عادي بس انا من النوع اللي يوم يمرض
.
ما يحب يتفضل بزيارة الطبيب
.
احب اعطي جسمي فرصه لمقاومة المرض بنفسه

.

دون تدخل جهات خارجيه
.
الا لو طلع الموضوع عن سيطرتي
.
واتضطريت الجأ للاستعانه بوسائل مساعده
.
وهذا ولله الحمد ما يحصل الا فيما ندر

.

وبما ان سياستي هي
.

يا اقضي على المرض ياا هو اللي يقضي علي

.
فمعنى بقائي على قيد الحياه لحد الحين

.
إني انا المنتصره على المرض ولله الحمد :)

.

المهم بهاليومين اللي فاتوا

.
حسيت اني اصبحت هالفتره عديمة الانتاجيه

.
يعني بمعنى اخر قمت ما اسوي اي شي مفيد

.
لا قراءه لا دراسه لا شغل...بس اكل وشرب ونوم

.
وطبعا اكيد بلا شك...انترنت :)
.
باستثناء اشغالي الروتينيه المعتاده
.

ما في اي شيء ايجابي اخر ممكن يحسب لي !
.
لذا وبناءا عليه:
.
قررت وامامكم مجتمع المدونين

.
اني اقر واتعهد باني لازم ارجع اقرأ

.
وانتهي من عشرات الكتب القابعه فالمكتبه

.

يعلوها الغبار

.
بانتظار ان انتهي او بالاحرى ابدأ بقرائتها :(

.
ولهالسبب بسوي جدول قراءه اتمنى تحاسبوني عليه
.

لاني ممكن اطنش الموضوع بكل سهوله

.

واعتبر كان شيئا لم يكن

.
لو ما حسيت ان في حد بينتبه للموضوع

.

(شفتوا الضميرهههههههه)

.
المهم بتناول الكتب اللي شريتهم

.

من معرض الكتاب الاخير

.
ببتدي بأول كتاب وهو كتاب كويتي من كوكب اخر

.
اكيد الكتاب بالنسبالي شي يديد
.

انا كنت اتوقع انه قصه او روايه او شيء من هالقبيل

.

بس طلع مختلف كليا عن توقعاتي

.

طلع يتكلم عن موضوع ثاني اقدر اسميه

.

(فلسفة الحياه)
.

بس من وجهة نظر الكاتب طبعا :)

.

المهم ان الكتاب بالنسبالي طلع يتطلب مجهود شوي

.

لهالسبب ما استكملت قرائته لين الحين

.

بس طبعا بناءا على لجدول

.

اللي سأقوم بوضعه الان امام الملأ

.

لازم اكون منتهيه من هالكتاب

.

قبل إنتهاء المده المخصصه له

,

المهم الجدول بيكون كالتالي
.

طبعا بنبتدي من الاسبوع القادم

.

لاني هالاسبوع مشغوله جدا جدا

.

وما بلاقي وقت للقراءه اكيد :)

.

كويتي من كوكب اخر

.

ببدأ فيه ان شاء الله من تاريخ 27 / 12 وبنتهي منه

.

قبل الثاني من يناير كأقصى حد
.

الف منزل للحلم والرعب

.

ببتدي فيه ان شا الله بتاريخ ثلاثه يناير

.

وبنتهي منه قبل १० يناير ان شا الله :)

.

كتاب قوة التحكم في الذات

.

ببتدي فيه من 11 يناير الى 17يناير بإذن الله

.

كتاب رائحة الخشب

.

ببتدي فيه 18 يناير الى 25 يناير

.

الزواج من بوذا

.

طبعا كتاب دسم بطول فيه من 26 يناير الى 10
.
فبراير وان شا الله اول ما اخلص هالمجموعه

.

بستلم مجموعة معرض الكتاب اللي قبل اللي فات

.

لاني ما خلصتها لين الحين :)

.

اتمنى لكم سنه هجريه احسن من اللي قبلها

.

عامره بذكر الله وبالطاعات وبالاشياء الجميله

.

وعسى الله ينصر المسلمين في كل بقاع الارض

.

ويحسن عاقبتنا وعاقبة امتنا

.

ويرحم وموتانا وموتى المسلمين

.

وكل سنه هجريه وانتم بخير