31‏/01‏/2009

اناا مين..اناا فين


(مطار ابوظبي الدولي)




هلا والله فيكم جميعا


ادري اني طولت الغيبه وااايد


واعتدر جدا على هالغياب الطويل


طبعا انا رجعت من رحلتي الاثنين اللي فات


كانت رحله جميله جدا


واتمنى اني اكررها اكيد


حاليا جهازي يمر بوعكه حاده


ويتلقى العلاج بأحد المراكز المجهوله


والكمبيوتر اللي احدثكم منه معاق


الكيبورد فيه ما يكتب 4 حروف


من اهم حروف اللغه العربيه


هالمره بعتمد على نباهتكم وبنتظر تخمين هالحروف


يعني كل واحد فيكم يخبرني


ما هي الحروف المعطوبه في كيبوردي


وطبعا طالعوا الحروف الغير موجووده فالتدوينه بتاتا


وبتعرفون ما هي الحروف المعطوبه فالكيبورد


اول ما يرجع جهازي بوافيكم بتقرير وافي وكافي


عن رحلتي الى قاهرة المعز لدين الله الفاطمي :)


طبعا اغلبكم ما كان يعرف اني كنت هناك


كانت رحله روووعه وااايد


ما كنت اتوقع اني بفرح وايد جيه


من زمان ما طلعت مثل هالطلعه :)


المهم ما بطول عليكم لاني ما اقدر اطول


اول مره اعرف ان اختفا حرفين من الكيبورد


ممكن يكون عامل غير ايجابي لهالحد


مب عارفه اكمل التدوينه لانه هالحروف غير موجوده


ممكن حد يعطيني حرفين الى ان تحل الازمه؟


ع فكره انا مقبله عى مرحله يدييده فحياتي


يا ليت تدعولي لاني بحاجه وايد لدعاكم


ونتلاقى بعد عودة لابتوبي معافى وغانم


اللهم اميييين


احبكم :)

15‏/01‏/2009

icdl مره اخرى..!



مسا الخير

.

.

طبعا خلصت امتحاناتي من يوم الاثنين

.

.

ومن هذاك اليوم لين الحين وانا بعدني ما حسيت فعليا بفرق

.

.

يمكن لاني مشغوله وايد هالفتره وما لقيت وقت فراغ لاي شي!

.

.

المهم اني يالسه اكتبلكم هالتدوينه الحين وانا فالمعهد

.

.

باقي 3 ساعات على امتحاني

.

.

لو تذكرون انا رسبت فاخر امتحان من حوالي شهر

.

.

واليوم بعيد هالامتحان...

.

.

وما يحتاي اقول اني خلال هالمده..

.

.

نسيت نص المعلومات اللي سبق ان خذتها!

.

.

هذا اخر امتحان لي ادعولي اليوم انجح وافتك :(

.

.

انا بسافر سفريه سريعه لمدة 4 ايام

.

.

من تاريخ 22 لـ 24 من الشهر الحالي

.

.

طبعا ما بخبركم عن الوجهه اللي بسافر لها

.

.

بترك لكم حرية التخمين :)

.

.

كل اللي سألوا عني بمدة غيابي اشكركم وايد

.

.

وان شا الله ما بغيب عنكم لفترات طويله بعد اليوم

.

.

ادعولي انجح...وبعد ما اخلص امتحاني

.

.

بتلقون تحديث فيه النتيجه..وان شا الله خير :)
.
.
تحديث(1):ابشركم،بكل سعاده وفخر اقولكم اني..........رسبت :) ع درجتين!
تحديث(2):هارد لك للسعوديه الخساره في كأس الخليج والله كنت اشجعكم :( مبرك للعمانيين..!