19‏/08‏/2009

صوم ونوم..عزائم وولائم!!

مساء الخير
.
طولت عليكم شوي هالمره
.
بس لان الفتره اللي فاتت
.
كانت فتره مليئه بالاحداث والمشاغل
.
والانجازات بعد!!
.
ما بطول عليكم
.
العنوان اللي فوق اعتبروه الموجز
.
واليكم التفاصيل :)
.
.
.
(*صوم*)
.
.
اليوم انا ولله الحمد صايمه@@
.
طبعا ما حسيت بالجوع
.
يمكن لاني من النوع اللي يوم يستيقظ من النوم
.
ما يكون له اي شهيه لتناول الطعام
.
وبعد ساعتين او 4 او اكثر احيانا!!
.
يبدا الاحساس بالجوع بالنمو!
.
اتمنى بكره بعد الله يقدرني واصوم
.
بما ان ما بقى شي على بداية شهر رمضان المبار;
.
وبدا العد التنازلي للشهر الفضيل :)
.
.
.
(*نوم*)
.
.
بالحديث عن الصوم
.
لا بد ان ننتقل تلقائيا
.
للحديث عن النوم
.
اليوم نمت نوم رهيب
.
12 ساعه من النوم المتواصل
وبيني وبينكم استيقظت غصب عني
.
مجبره للاسف
.
للاجابه على رنين الموبايل المتلاحق
.
اللي ما يسكت ابد
.
مع اني كل مره اسويه صامت وارجع انام
.
بس هالمره ما قدرت
.
لان المتصله لها وضع هام فالعايله
.
يعني مش من هاليهالو (بنات العايله وربيعاتي خخخخ)
.
لهالسبب رديت مجبره على المكالمه
.
وحاولت اتصنع النشاط والصحيان
.
لاني ما اقدر اقول اني بعدني نايمه
.
خاصه ان هاللكلام كان الساعه 4 ونص عصرا
.
حسب التوقيت المحلي لمدينة ابوظبي وضواحيها
.
لوووووووووووووووووووول
.
طبعا الـ12 ساعه حاله خاصه
.
يعني ما انام هالعدد من الساعات في
.
الا لوكنت قبلها بكم يوم مش نايمه عدل
.
يعني البارحه مثلا
.
نمت الساعه خمس ونص صباحا
.
واستيقظت ع الساعه الثامنه والنصف
.
صباحا ايضا!!
.
يعين يدوب 3 ساعات
.
وطلعت اخلص اشغالي
.
وما رجعت البيت الا ع الساعه العاشره مساء
.
يعني قمة الهلاك
.
14 ساعه متواصله خارج البيت
.
يسبقها 3 ساعات من النوم
.
قمة الظلم اكيد:(
.
.
.
(*عزائم*)
.
.
المده اللي فاتت شهد منزلنا المبارك ( ع قولة بعض الناس لوووووووووول)
.
سلسله من العزائم المتلاحقه والمتتاليه والمتتابعه!
.
طبعا بما ان احنا انتقلنا من مده الى بيت جديد
.
بالتالي وبناءا عليه وكنتيجه محققه لهذا الحدث
.
توافدت اعداد هائله من الاسر الى منزلنا المتواضع
.
وناس راااااااااااااايحه وناس جااااااااااااااااايه
.
وهلم جرا!!
.
بصراحه كانت الايام الي مرت في الاسبوعين اللي فاتوا
.
ايام مليئه بالضيوف..
.
والمطبخ!!
.
والهدايا بلا شك :)
.
بس كانت جمعات جميله وخفيفة الدم
.
وقضينا وقت ممتع بالتاكيد
.
وبما ان احنا تطرضنا بالحديث الى المطلخ
.
فبالتالي
.
ننتقل الان الى المأكولات
.
والى التفاصيل :)
.
.
.
(*ولائم*)
.
.
بالحديث عن الولائم لازم اتطرق لموضوع جميل
.
وهو موضوع الحلى اللي انا اخترعتها
.
واطلقت عليها مسمى خاص
.
وهي حلوى الـ كاكو :)
.
بداية بسرد عليكم نبذه مختصره
.
عن الوصفات اللي اعددتها انا شخصيا
.
بعضها من النت وبعضها من كتب الطهي
.
وبعضها من جهات اخري:)
.
اولا
.
برياني ربيان
.
وهذا اخذت طريقته من وحده من الاهل مع بعض الاضافات مني بلا شك :)
.
ثانيا
.
لفائف العجين
.
من بنت خالتي الهاويه للطبخ اللي بدورها خذته من كتاب الف باء الطبخ :)
.
ثالثا
.
ضوربة الشعيريه
.
من الموروث الشعبي,شوربة جدتي التقليديه :)
.
رابعا
.
شاورما الدجاج
.
اطلقت انا وبنت خالتي لخيالنا العنان وسويناناها ونجحت:)
.
خامسا
.
صينية البطاطا بالجبن
.
من احد كتب الطبخ :)
.
سادسا كرات البطاطا الدذهبيه
.
من كتاب الف باء الطبخ بس مع الاسف ما نجحت :)
.
سابعا
.
صينية الكفته بالبطاط
.
طبق تقليدي جربته ونجح ولاقى القبول:)
.
ثامنا واخيراا
.
حلوى الكاكو :)
.
طبعا هالحلاوه قصتها قصه
.
كنت اريد اسوي سويت وما عرفت شو اسوي
.
وفتحت الثلاجه لقيت قالب كيك جاهز
.
من اللي ينباع في المخابز
.
اخذت الكيك وقطعته وحطيته بصينيه
.
وسكبت فوقه كوب تقريبا من عصير تانج برتقال
.
وقطعت باكيت كامل من بسكوت اولكر لقطع صغيره
.
وسكبته فالصينيه فوق الكيك
.
بعدين استعملت علبة قشطه وملعقتين او 3
.
من علبة اولكر العبه الخضرا
.
بالاضافه لملعقتين او 3 عسل ونصف كوب حليب
.
وخلطت المقادير بمكينة خفق الكريما
.
وبعدين صبيتها فالصيبنيه فوق الكيك والبسكوت
.
وصفيت فوقها بسكوت
.
والنتيجه طلعت هاي
.


ولاقت ولله الحمد على استحسان الجمهور :)
.
بالنهايه
.
اسك كاكو كان لقب لاحدى بنات خالتي
.
كنا نناديها فيه يوم كانت صغيره
.
لانها كانت دايما تقول كاااااكو كاااااكو
.
كانت تقريبا بعمر السنتين او الثلاث
.
لهالسبب تيمنا بهالكلمه
.
اطلقت على الحلوى مسمى كاكو :)
.
تدوينة التاج اجلتها لوقت لاحق
.
واشوفكم عما قريب:)

03‏/08‏/2009

هذره!

السلام عليكم
.
شحالكم عساكم بخير؟
.
بما اني هالايام رجعت لسابق عهدي
.
واسترجعت اهتمامي المفقود بعالم التدوين
.
لهالسبب بستغل حالة النشاط التدويني هاي
.
وبحاول انزل تدوينه جديده كل اسبوع او كل عشر ايام :)
.
اعرف انكم بتقولون وايد علي-ايه النشاط ده كلو-يعني
.
.بس لو لاحظتوا انا فالمده الاخيره قمت ما انزل تدوينه الا كل شهر مره
.
يعني ع المعاشات لووووووووووووووول
.
المهم..حاليا يالسه اقرا كتاب بعنوان
.
حكاية ابو جاسم الكرادي
القصه لكاتب عراقي..وهي قصيره نوعا ما
.

طبعا غير القصه والقراءه حبيت اخبركم ان نشاطي المطبخي قل
.

او نقدر نقول شبه تلاشى من كم يوم!
.


يعني شكلها كانت حاله موسميه وانتهت خلاص!
.
على صعيد اخر بهاليومين لازم ابدى بتجهيزات العيد
.
ملابس وخلافو وخلافو :)
.
رمضان قريب ماباقي عليه شي
.
وخاطري بهاليومين اتحنى ما اعرف ليش!
.



شكلي بسويها عما قريب :)
.
في تاج وصلني من مده اعتقد اني بجاوب عليه فالتدوينه القادمه
.
يلا ما بطول عليكم
.
سي يو سوون