30‏/09‏/2009

حياه صحيه :)











صباح الخير
.
.
شحالكم عساكم بخير؟
.
.
حبيت اطلعكم على اخر تطوراتي
.
.
هذا ولله الحمد تم تعديل توقيت نومنا
.
.
لتتناسب مع مواقيت النوم الطبيعيه :)
.
.


يعني انا الحين انام اول الليل
.
.

واقوم الصبح من وقت ع الساعه 6 _ 6 ونص
.
.

على تغريد الطيور وزقزقة العصافير :)
.
.

بصراحه احساس الواحد وهو مستيقظ من وقت روعه


.
.
يعني فعلا حيويه ونشاط
.
.

تحس ان الحياه حلوه
.
.

والعالم وردي
.
.
الامور على ما يرام
.
.


وقدراتك غير محدوده :)
................
.


خطر فبالي اليوم انا وانا قاعده اكتب هالتدوينه
.


ان انا كل تدويني شخصي
.
.

يعني في نظر وايد ناس انا ما اكتب شي مفيد
.
.
لان في ناس وايد تشوف ان التدوين الشخصي مب شي مفيد!
.
.
عن نفسي يوم انشأت المدونه
.
.
انشأتها بهدف تكون مساحه لي اعبر فيها عن كل ما يجول في نفسي
.
.
يعني اي موقف اتعرض له او اي فكره تخطر فبالي اسجلها هني :)
.
.
احس ان التدوين بالنسبالي كتابات عفويه
.
.
صعب جدا ان انا ادون ئمواضيع ما تشغلني حاليا
.
.
ما اكتبه يكون ترجمة لمشاعري اللي امر فيها حاليا
.
.
هالسبب احس انه اطار التدوين الشخصي هو اللي يناسبني
.
.

وهو اللي اجد نفسي فيه :)
.
...............................

بالمناسبه
.
اخبار انفلونزا الخنازير معاكم؟؟
.
نحن بعدنا ما في تطورات
.
يبقى الحال على ما هو عليه
.
في اسر وايد منعت اطفالها من الذهاب للمدرسه
.
خوفا من هالموضوع
.
الله يحفظ المسلمين يا رب
.
اراكم على خير

21‏/09‏/2009

في ىمثل هذا اليوم انا نولدت!




مساء الخير


.


شحالكم عساكم بخير؟


.


هذا الله يسلمكم في مثل هذا اليوم


.


من حوالي 24 سنه


.


انا ظهرت على وجه الكره الارضيه!


.


يقولون اني اول ما طلعت من بطن امي ما بكيت


.


لهالسبب ضربوني..عشان ابكي


.


وبعد الضرب..انفجرت بالصياح


.


عن نفسي تفسيري لهالموضوع


.


اني اكيد كنت مصدومه من خروجي


.


كنت مرتاحه داخل


.


ليش طلعوني؟


.


شو هالازعاج!!


.


ع العموم خلاص طلعنا وأمر الله تم


.


المهم ان انا اليوم


.


اكملت عامي ال24. والعشرين


.


ودخلت في عامي الخام.س والعشرين


.


اللي يتذكر رسوم غاب.ة الاماني


.


بيتذكر عبارة انت تصغر


.


اكثر


.


اكثر


.


ههههههههههههههههههه


.


كل عام وانا بخير


.


وانتوا بخير


.


وكل الامه الامه الاسلاميه بخير


.


وعيدي عيدين :)
.
.
تحديث: اقول ترى انا الحين صار عمري 25:)

19‏/09‏/2009

تدوينة العيد :)


مساء الخير


شحالكم عساكم بخير


توني راجعه من السوق الحين


زحمه زحمه زحمه


الناس مب لاحقه تخلص اشغالها


ومن مكان لمكان


تعرفون عاد تجهيزات العيد تكثر باخر اللاوقات


المهم ما بطول عليكم


عيدكم مبارك


وكل عام وانتوا بخير


اتمنى للجميع قضاء عيد سعيد


ونعود لكم بعد العيد :)

06‏/09‏/2009

يعني انا شريره؟







مساء الخير




شحالكم عساكم بخير




حاليا احس اني متضايقه شوي




لهالسبب بنزل هالتدوينه




اليوم مريت بموقف




خلاني احس شوي بتانيب الضمير




وبعقدة بالذنب !!




مرات الحياه تضطرنا احيانا




بان احنا نطلع الوجه الاخر لنا




الوجه السيئ يعني




واليوم للاسف انا انجبرت اسوي هالشي




والحين احس اني شريره :(




بس انا والله مب شريره




بس احيانا لو ما كنت شرس في الدفاع عن حقك




الناس ياكلونك




مرات احس ان الحياه غابه




والاقوى هو اللي يعيش :(




يا ترى انتوا يوم تنجبرون انكم تاخذون حقكم بالقوه




تحسون بعد انكم اشرار!!




والا بس انا جيه؟




اليوم تعاملت بطريقه سيئه مع شخص




هو يستاهل اكيد هالشي لانه ارتكب جريمه شنيعه




بس حسيت انه انا استقويت على حد اضعف مني:(




بس هالانسان اعتدى بالضرب ع وحده من اعز صديقاتي




يا ترى شو كان ممكن اسوي؟




طبعا الطبيعي اني اراويه العين الحمرا




واطلع كل حرتي وحقدي عليه!!




بس انا مب شريره والله




بس في شخصيات احيانا تخليك تطلع كل الشر الكامن فيك




وتخلينا نستوي شرشبيل !!




المهم ما بطول عليكم




تدريجيا قمت اتخلص من احاسيسي السلبيه




واقتنع بان اللي سويته شي صح




بس للاسف الحياه ترغمنا احيانا على استعمال وسائل ما نبيها




لكن كما نقول دوما




انها الحياه!!