بعد 5 سنوات

.
.

صباح الخير

.

اليوم انا واعيه من الصبح وانا كلي

.

نشاط وحيويه

.

اكيد طبعا بكون نشيطه

.

لاني نايمه من امس الساعه 6 مساءا

.

وقايمه اليوم 6 ونص الصبح من النوم

.

يعني اكثر من 12 ساعه من النوم

.

والله من زمان ما نمت نوم شره بهالطريقه

.

المهم اليوم بما ان الحياه تتدفق من اوردتي

.

قلت ابا استغل هالمناسبه استغلال ايجابي

.

واهتم شوي بمدونتي المسكينه

.

وانفض عنها غبار الزمن

.

الحين بوافيكم بأهم حدث

.

يمر فيه بيتنا المتواضع الحين

.

هذا الله يسلمكم..بما ان سنة الحياه التغيير

.

قررنا هالسنه ان احنا نغير بيتنا

.

وطبعا بدينا بعمليات البحث والتنقيب

.

على قدم وساق

.

واخيرا ولله الحمد

.

حصلنا بيت مطابق للمواصفات

.

والمقاييس والشروط المطلوبه

.

ودامت دياركم عامره بالتغيرات :)

.

خلال الشهر القادم بننتقل لبيتنا اليديد

.

طبعا انا متشوقه جدا لهالتجربه

.

مع اني اعرف انها بتكون متعبه نوعا ما

.

بس مافي احلى من الخروج عن الروتين

.

هاي هي اخر مستجداتي واخباري الفنيه

.

الحين بروح اتريق..

.

وانتظرونا قريبا..

.

لاني ناويه استخف

.

وانزل صور للبيت اليديد:)

.

لووووووووووووووووول

هامش...واعيه :مستيقظه,ابا:اريد,حصلنا:وجدنا,اتريق:افطر:استخف:افقد عقلي :)

خير..سيارتي الحبيبه تشكو من الم طارئ في قدمها اليمنى..ادعوا لها بالشفاء :(

احساس..في شخص وايد افتقده..اعرف اني دوم اجرح الناس اللي تحبني..بس مب بيدي :(

فضول..الحروف الملونه تكون اسم دوله عربيه..فبالي الحين هالدوله :)