16‏/06‏/2008

هديل الحضيف

مساء الخير

أول شي أحب اشكر كل اللي زار مدونتي

وأقولكم مشكورين ع الإطراء..:)

وأتمنى تزورون مدونتي دوم

وتلقون فيها كل جديد

اليوم أبا أتكلم عن هديل الحضيف..!

اللي أغلبكم ما يعرفها

ما اعرف لبش أبا أتكلم عنها اليوم

بس من أول ما خطرت فبالي سالفة إني أسوي مدونه

حطيت فبالي إني بتكلم عن هديل الحضيف كشي أساسي بالموضوع

طبعا هديل الحضيف أديبه سعوديه..

توفت من فتره بسيطة..ولم تتجاوز ال25 عام

توفت بعد اقل من شهر من عيد ميلادها الخامس والعشرين

والسبب..اممممممممم أهلها يوم حاولي يقومونها من النوم ما قامت

وعقب الإسعافات فالمستشفى دخلت بغيبوبة حوالي 3 أسابيع

وبعدين..

ماتت

فجأة جيه..بدون مقدمات..بدون سجل مرضي..بدون أي شي

المهم..إنا عمري ما عرفت هالانسانه ولا سمعت فيها قبل ما تموت

يا ترى لبش الموت دايما هو اللي يشهر الإنسان؟

يعني لو كانت هديل بعدها على قيد الحياة

بعد كم سنه يا ترى كنت بسمع عنها

أو بعرف إن في شي اسمه هديل الحضيف!!

طبعا هديل لها كتاب وحيد وهو عبارة عن مجموعه قصصيه

بعنوان ظلالهم لا تتبعهم

الكتاب إنا عن نفسي ما قدرت احصل عليه لين الحين

بس لي أمل إن شاء الله إني ألقاه عن قريب

واعدكم أول ما أقراه أعطيكم نبذه عنه

خاصة أني اعرف إن جيلي مش من محبي القراءة..ولا المولعين فيها

وكم يؤسفني هالشي!!

المهم أتمنى منكم اليوم كل من قرى موضوعي ما يطلع قبل ما يقرى الفاتحة لهديل

ويفكر انه إنا أو أنت أو أي حد

ممكن يستويله مثل ما استوى لهديل

هاي هي الحياة

عشان جيه لا تاجلون شي وتقولون باجر أو بعد سنه

لان محد يدري كم بيعيش

وبنفس الوقت قد ما تقدرون لا تخلون حد يكرهكم

ولا تكرهون حد..ترى الدنيا ما تسوى والله

واعملوا لآخرتكم..ترى العمر يمر على غفلة منا

وما يبقى من بني ادم غير العمل الصالح والسمعة الطيبة

وحطوا فبالكم..يا ترى لو كنتوا مكان هديل.

شو الشي اللي تتمنون لو إن الحياة أمهلتكم عشان تسوونه قبل ما تموتون؟

يوم أفكر بهديل..كيف الموت غافلها..أقول بخاطري يا ترى شو إحساس هديل الحين؟

وبنفس الوقت أقول..الحمد لله يا رب

على نعمة الحياة..!

هناك 3 تعليقات:

S0OS0 يقول...

من جد هديل الحضيف الله يرحمها ولكن انا مثلك ماسمعت عنها الا بعد وفاتها للاسف الشديد ..
واشتهرت اكثر من حياتها بكثييييييير ..
واذا قلت لك مو هديل بس اللي مااشتهرت بعد وفاتها .. فيه رسامين كانوا ماعندهم قووت عيشهم واشتهروا بعد وفاتها وبملايين تباع لوحاتهم .. وغيرهم وغيرهم .. ادباء و و و و ..
للاسف هذي حال الدنيا مانحس بغلاء الشخص الا لما نفقده

rhyk يقول...

او تعليق لي على هذه المدونة

وأول مااريد الترحم على من كانت فخرا لكل مدون ..فاللهم ارحم هديل واجعل قبرها روضا من رياض الجنة
رأيت وعجبت لما رأيت
موجود خبرها على كل موقع وعلى كل مدونة وعلى كل منتدى
الكل تأثر..الكل نادى انقذو هديل..الكل دعى ومازال يدعو لها بالرحمة

امر عظيم..وشرف لا يعادله شرف
ان يكون كل الموجودين على عالم النت و والواقع يذكرونك ويدعونك لك ويشتاقون لعودتك

انا اياض ساحاول ان اصل الى هذه المكانة

------------
اعلم ان الموضوع قديم
لكن قلت ماكان يجب علي قوله

اشكرك على جهودك اختي

الى الاعالي
الى القمة

دمتي في رياعة الله وحفضه

والسلام عليكم ورحمة الله وبركاته

اخبار سيارات يقول...



thank you

اخبار السيارات