20‏/09‏/2008

عيد ميلادي

مساء الخير
باجر عيد ميلادي
بغيت اخبركم بهالمناسبه عشان تشاركوني فيها
سنه جديده انضافت لسنين عمري
وورقه جديده انطوت من صفحات كتابي
بكره..بكون ختمت سنيني الاربع وعشرين
قبل وانا صغيره..كنت اشوف 24 سنه شي كبيييييييييييييييير
وكنت احس اني يوم بوصل لهالعمر بكون عشت واااااااااااااااااايد
بعدين اكتشفت ان الواحد على كثر ما يعيش..يحس نفسه بعده ما شاف من الدنيا شي
ويحس انه محتاج يتعلم المزيد في مدرسة الحياه
ايامنا تجري.والسنين تمر..وسنوات العمر تنقضي..بدون ما نحس
عشان جيه الواحد لازم يلحق يسوي شي مفيد بحياته
قبل ما تفوته الفرصه..ويندم على اللي فات من عمره..ويقول يا ليت
انا عن نفسي مشاريعي هالسنه اني باخذ دوره كمبيوتر..وبقدم على وظيفه
احس اني خلاص تشبعت من الكسل ومن يلسة البيت
ابا ابدى حياتي العمليه..ولحرب شي يديد
واتمنى اكون بهالطريقه فتحت لنفسي باب اتعلم منه اشيا تفيدني
وتطور شخصيتي وتحسنها..وبالنهايه..من هالحياه..نستفيد:)

هناك تعليقان (2):

غير معرف يقول...

اختي حكايه ..بداية" كل عام وانتي بخير وان شاء الله ادّوم صداقتناا لعمر كله .. صار لنا ويا بعض تقريبا 10 سنين.. صدقج الايام تمشي بسرعه وبعدنا مب عارفين كيف او حتى شو سوينا بحياتنا .. الانسان لازم دوم يحاسب نفسه قبل النوم شو سوى وشو ماسوى .. احييج على ابداعج في كتاباتج وصراحتج مع نفسج قبل الناس ..الله يوفقج في حياتج ان شاء الله وتستمر صداقتنا للابد..صديقتج ام سلطان

غير معرف يقول...

الغاليه حكايه كل عام وانتي بالف خير ياربي والعمر كله ان شاءالله فديتج وربي يعطيج طولة العمر يارب واشوفج عيوز يالدبه..وحلو الانسان يعيش حياته مع اشخاص يرتاح لهم ويحبهم وان شاءالله ربي لا يغير عليج فديتج..وانا يعجبني صراحتج وتفكيرج الغير محدود ومنج نستفيد طبعا يالغلا..وانا حبيت ابارك لج بالسنه اليديده بعمرج واللي ان شاءالله فيها تتغير حياتج الممله وتصيرين شخصيه مهمه بالمجتمع مع اني اشك..خخخخخخخخخخخ

امزح معاج وربي يوفقج ان شاءالله وشدي حيلج وخلينا نشوفج غير..


http://iraqnaa.com/ico/image2/f/035br.gif


http://iraqnaa.com/ico/image2/f/birthday020.gif

http://iraqnaa.com/ico/image2/f/026br.gif



حبيت اسويلج حفلة بس هذا اللي طلع عندي..ههههههه

ربيعتج وي وي خخخخخ الله يغربلج ماحصلتي غير هالاسم