11‏/10‏/2008

وابتدى الجد (*_*)

مساء الخير

اليوم بديت يومي الصبح >>بالعاده اقوم الظهر او العصر من النوم

بس بشكل عام هالايام نظام نومي تغير..للاحسن طبعا مش العكس

الفتره اللي فاتت كان عندي مشاغل كثيره لازم تخلص الصبح

وبالتالي غيرت وقت نومي عشان اقدر اخلص كل اللي علي

طبعا الناس اللي متعوده تنام متاخر مثلي..تعرف ان الاستيقاظ المبكر نعمه

لان الواحد يوم يقوم متاخر من النوم يحس ان اليوم راح

اليوم كان اول يوم لي فدورة الكمبيوتر..او الليسن الدولي للحاسب الالي

طبعا كنت كل خمس ثواني اتثاوب :))

وكنت احاول قدر الامكان ان ما اخلي حد ينتبه لي

عشان ما ياخذون عني فكره اني كسوله من اول يوم

قريت مره دراسه تفيد ان المتثائب الجيد يعدي 7 اشخاص من اللي حواليه ع الاقل

ويخليهم يتثاوبون معاه:)

ومن يوم قريت هالمعلومه وانا احرص دوم اني عقب ما اتثاوب اطالع اللي حوالي

اشوفهم تثاوبوا والا لا..عشان اعرف هل انا متثاوب جيد والا لا

اليوم عاد حصل العكس..كنت اتمنى محد يتثاوب بعدي عشان مااكون عديته بتثاوبي

مع ان اليوم اجازه رسميه عندنا..بس المعهد اللي انا اخترته للاسف مخالف ما ادري ليش

طبعا يوم تلقى نفسك واعي من الصبح فيوم اجازه ومشغل سيارتك ورايح تدرس

بينما الشوارع فاضيه ما فيها غير المهنده ومرتادي البنوك..تحس بالغيظ

بس يلا من طلب العلا سهر الليالي..وقام الصبح من وقت :)

طبعا الدوره سبع مواد وكل ماده تاخذ 5 ايام دراسه ويوم امتحان..يعني المفروض اخلص ان شاء الله بـ7ــ اسابيع

وكل امتحان من 100 والنجاح من 75 ومدة الامتحان 45 قيقه..وتعالو سجلوا يلا عطيتكم كل المعلومات:)

هناك 24 تعليقًا:

Mohamed Hamdy يقول...

جميل جدا انك بداتى فى دورة الرخصة الدولية لقيادة الحاسب.. انا اخدتها برضو لكن من فتره طويله شويه... هى جميله لو كان ليكى خبره فى مجال الكمبيوتر .. وطبعا هتحتاجى اسطوانات وكتب الدراسه عليها .. على كل حال الاسطوانات عندى لو عايزاها ابعتيلى رساله على بريدى

mohamedhamdyonline@gmail.com
وهبعتهالك كلها وان شاء الله تعينك فى الدراسه

اما عن مواعيد النوم والاستيقاظ انتى بالظبط عامله زيى .. انا بحب اسهر بالليل واصحى الصبح الا طبعا ايام العمل الرسمى

تحياتى ليكى ولمدونتك الجميله .. وياريت متقطعيش زيارتك عندى

تحياتى

tarek momen يقول...

نامي مبكرا و استيقظي مبكرا
فالبركة في البكور

جبهة التهييس الشعبية يقول...

اقصوصة

بصي يا ستي

تحت كل تعليق جنب التاريخ والساعة فيه رسمة كده شبه سلة الزبالة اعزكم الله
دوسي عليه ح تلاقيه بيقول لك امسح التعليق قولي له ايوة

بس كده

Ehab A. Mohammed يقول...

تدوينه رائعه لمدونه اروع :)

Dalal يقول...

اوووه انتي نفس حالتي في النومـ بس أنا اتخرجتــ العامـ الماضي وهذي السنه عندي بطاله انامـ واصحى ع كيفي :) بس نفسي اسجل في معهد ولا شي زي كذا ان شاءالله :)

بس جربتـ كذا كم يوم نمت بدري احس جسمي صار متحسن لما اصحى نشيطه بس مستحيل استمر ع نظام معين :(

اقصوصه يقول...

Mohamed Hamdy

تسلم اخوي ما قصرت يزاك الله خير
بس انا عندي البرنامج التدريبي
اللي فيه الاسئله التجريبيه للامتحان
ها غير كتب الامتحان والملازم اللي خذناها من المعهد انا حاليا اخذ الاي تي..وان شالله اخلص الدوره بنجاح



tarek momen

صدقت..البركه بالبكور..مع ان عندي مشكله بالنوم المبكر ..بس ماشي حالي الحمدلله هاليومين



جبهة التهييس الشعبية

مرسي كتير

شكرا جزيلا

جزاك الله خيرا وبنى لك قصرا في الجنه:))



Ehab A. Mohammed

هذا من حسن ذوقك..شاكره لك زيارتك:)



Dalal

والله البطاله حلوه ومو حلوه
حلوه بانك تنامين ع كيفج وتقومين ع كيفج من النوم..وبنفس الوقت ما تكونين مرتبطه بشي ويكون راسج فاضي مثل ما يقولون..
ومب حلوه من ناحية انج تحسين بالفراغ والملل وتشوفين كل اللي حواليج يتقدمون وانتي قاعده محلك سر ما سويتي شي فتحسين باحباط نوعا ما
الله يوفقج يا رب ويكتبلج كل خير:)

romansy يقول...

ربنا يوفقك

يسرا يقول...

ربنا يوفقك ويعينك ان شاء الله عشان تصحي بدري وتبطلي تبقي متثائبة جيدة

shasha يقول...

اقصوصة جميلة

مدونتك كمان جميلة تشبه مدونة يوميات الريم تقريبا نفس الاسلوب والستايل

M.K يقول...

اقصوصه...
السلام عليكم ورحمة الله وبركاته...
أولا اسمحيلي أشكرج على زيارتج الطيبه لمدونتي المتواضعه..
وجميل هو التواصل بين المدونيين..
أخذت نظره سريعه على مدونتج...
عيبني أنج تكتبين يومياتج....
باسلوبج ....
..........................
طبعا بما أنه الحال من بعضه ونبدأ يومنا العصر حصلي نفسج تماما لما أخذت دورةال ICDL...
بس صراحه ماشي أحسن من نشت الصبح
عشان تخلصين أشغالج...
نتريا نسمع أخبارج الحلوه..
وعلى فكره كل المعاهد تفتح طيلة الأسبوع معدا الجمعه ...
مع تمنياتي لج بالتوفيق..
في أمان الله..

اقصوصه يقول...

romansy

جميعا يا رب:)



يسرا

تسلمين حبيبتي
مع اني استانس يوم اشوف اللي حوالي تثاوبوا بعدي
احس بالجاح خخخخخخخخ
وبقوة تاثيري ع الاخرين!




shasha

والله ما سمعت بهالمدونه
بس يشرفني اشوفها..خاصه انه حسب كلامك هي قريبه من مدونتي وصاحبتها لها نفس اسلوبي,اتمنى القاها بيوم وانا اتنقل بين المدونات:)



M.K

وعليكم السلام ورحمة الله وبركاته
تشرفت بزيارة مدونتج غاليتي..واللي شرفني اكثر بعد زيارتج الكريمه لمدونتي المتواضعه..طبعا نشة الصبح نعمه مثل ما قلت..وبخصوص المعاهد فعلا هي تفتح كل ايام الاسبوع..بس اغلب الجروبات ما تدوم يوم السبت..وحاولت اتفق ع الجروب اللي معاي ع هالكلام..بس ماطاعوا..اونهم مجتهدين:(..سعيده بحضورج..والله يديم التواص ان شالله

المستنصر بالله يقول...

بالتوفيق ان شاء الله
ليه قافله لتعليقات على موضوع الفقر

تحياتى لحضرتك

اقصوصه يقول...

المستنصر بالله

جميعا اخوي ان شا الله

وبخصوص التعليقات شكرا لانك لفتت نظري

لان هالشي حصل بطريق الخطا وبدون ما انتبه

شكرا لتشريفك لمدونتي بالزياره:)

أم علي يقول...

تشرفت بمعرفتك أقصوصة
" عجبني الإسم ما ادري ليش ؟؟ :)
نصيحة نامي مبكرة و اصحي مبكرة هذي نعمة من الله

الله يوفقك و يجعل النجاح حليفك

مدونة طيبة لي عودة بإذن الله

شموخ ملكة يقول...

حلو انك تطوري من نفسك
لاحقه ع النوم !!
بالتوفيييييق :)

اقصوصه يقول...

أم علي

الشرف لي انا الغاليه..وهذا من حسن ذوقج حبيبتي:)الحمدلله من فتره الحين قدرت احافظ ع جدول نومي الجدد..واتمنى يستمر هالوضع فالمستقبل بعد..
لا تقطعينا..تشرفت بزيارتك الكريمه:)



شموخ ملكه

هو من ناحية لاحقه ع النوم فاكيد لا حقه انا معاج
بس المشكله ان النوم شي لذيـــــــــذ
وما تشبعين منه..دايما تبين المزيد:)
اسعدتني زيارتج:)

muneerah00 يقول...

كأني اتذر إني مريت من هنا وكتبت : ربي يوفقك :)

Single and Fabulous يقول...

حلوة المعلومه مال التثاؤب لول

اقصوصه يقول...

muneerah00

مريتي على تدوينتي الثانيه:)

سررت وايد بزيارتج الحلوه:)




Single and Fabulous

هههههههههه حتى انا عيبتني وايد

سعيده وايد لمرورج من هنا :)

alwahidah يقول...

أقصوصه يآبعدي ..

حلوو انكـ قررتيـ تآخذين دورة حاسب

ههههههههه ضحكتينيـ كل شوي تلتفتين تشوفين كآن تثاوبوا

يللا شدِّي حيلكـ .. نبي شهادة تبيض الوجه ;)

حرية يقول...

اجمل حاجه اصحي بدري بعد الفجر واشرب النسكافيه بتاع كل يوم واتصفح الانترنت على صوت الشيخ المنشاوي ورفعت وطوبار والسوفت ميوزيك وزقزقة العصافير اللي بتوحي لي بالامل والاقبال على الحياة مهما كانت مر.

بجد اجمل لحظات الفرد بعد فجر كل يوم

موفقة في الدورة ان شاء الله

وتحياتي لكي :)

اقصوصه يقول...

alwahidah

ههههههههههه والله هالدوره سالفتها سالفه معاي,باقيلي اسبوعين غير هالاسبوع عشان اخلص,ابا افتك خلاص مليت تعبت :(..ادعيلي انجح واعديها ع خير..الحين بسير اتدرب على البرايمر والخميس امتحاني الباور بوينت:)


حرية

بصراحه الاستيقاظ المبكر متعه جميله ما يضاهيها عندي الا متعة المطر بس :)
واكثر شي احب اسويه الصبح بعد ما اقوم من النوم اني افتح النت اشيك ع البريد وع المدونه,اما النسكافيه احيانا اشربه مش دايما لانه مب زين تشربينه على الريق يأثر سلبيا على المعده..ومافي احلى طبعا من طلعة الصبح
سعدت جدا غاليتي بمداخلتك ,دمتي بخير :)

قمم التميز يقول...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام

قمم التميز يقول...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر